बिलासपुर। सिम्स (छत्तीसगढ़ आयुर्विज्ञान संस्थान) के अधिष्ठाता डॉ. रामनेश मूर्ति अउ चिकित्सा अधीक्षक डॉ. लखन सिंह आज बिहनिया ह बर सिम्स के सब्बो वार्ड मं अचानक जायजा लेंय। निरीक्षण के दौरान कुछ कमी दिखिस, जेखर सुधार बर तुरते आदेश दे गिस। वार्ड मं जउन टूटे-फूटे आवी सेट स्टैंड अउ परदा लगाय के स्टैंड रहिस, ओला तुरंत ठीक कराय के कहिस।
सब्बो वार्ड मं सफाई व्यवस्था सुधार के आदेश मिलिस अउ बर्न वार्ड मं भर्ती मरीज मन से मिलके, उनका हालचाल पूछिस। इलाज करत डॉक्टर मन से जानकारी लेके, मरीज मन के परिजन ला सही इलाज के भरोसा देवाय गिस।
बिजली के दिक्कत बर इलेक्ट्रिशियन ला तुंरत काम करे के कहिस, ताकि सुधार जल्दी हो सके। निरीक्षण मं नर्सिंग सुपरिटेंडेंट अउ नर्सिंग स्टाफ घलोक सामिल रहिन, जउन सफाई अउ व्यवस्था बनाए रखे मं मदद करिन। अधिष्ठाता अउ चिकित्सा अधीक्षक कहिन कि सब्बो जरूरी सुधार काम तय समय मं पूरा हो जाए, ताकि मरीज मन ला बढ़िया स्वास्थ्य सुविधा मिल सकय।
